Osagaiak:

  • 1 buia edo txangurrua
  • 2 berakatz-atal
  • 1 koilarakada piperbeltz, alean
  • 10 g jengibre fresko
  • 1 pipermin fresko min
  • 1 koilarakada saltsa min korear (pipermin mamiarekin ordezka dezakegu)
  • 250 g etxeko tomate-saltsa
  • 1 eskukada martorri fresko
  • 1 dl oliba-olio
  • 1 koilarakada oliba-olio birjina estra
  • 3 tipulatx xehe-xehe
  • 30 g Macadamiako intxaur edo hur (aukerakoa)
  • 1 koilarakada azukre

Nola egin:

  1. Txangurrua garbituko dugu, hankak eta pintzak gorputzetik aterata, eta kolpe bat emango diogu. Errazago egiteko, gorputza irekiko dugu, barruko organoak aterako ditugu eta 4 zatitan moztuko dugu.
  2. Oso bero dagoen wok batean, oliba-olio tanta batzuk jarriko ditugu eta baratxuriak eta piperbeltza xehatuta frijituko dugu, piperminarekin batera. Gorrituta daudenean, sutatik aterako ditugu, gero txangurrua frijituko dugun olioari aroma eman nahi baitiogu.
  3. Buia wokera gehituko dugu eta frijitu egingo dugu gorputza eta pintzak karamelotu arte. Hori egindakoan, buia atera eta berriz ere baratxuri, pipermin eta piperbeltzaren erregosia gehituko dugu. Gainerako osagaiak ere gehituko ditugu, jengibrea, tipulatxak xehexehe eta hurrak.
  4. Minutua pasatutakoan, ore min korearra edo pipermin-mamia gehituko dugu eta tomate-saltsa botako diogu. Gatza eta azukrea puntuan jarri eta 5 minutuz erregosiko dugu. Gero buia gehituko dugu. Dena batera sutan mantenduko dugu 3 minutuz.
  5. Erretilu batean buia aurkeztuko dugu saltsarekin batera eta martorri freskoaren buket batekin lagunduko dugu.